Bloger Xura Mars yuz terisini shlifovka qildirganidan keyin asoratlar bo‘lganidan shikoyat qildi.

Qizning aytishicha, shifokor zaruriy tahlillarni o‘tkazmagan va mumkin bo‘lgan xatarlar haqida ogohlantirmagan. Oradan atigi bir necha kun o‘tib, yuzida kuyish va yallig‘lanishlar paydo bo‘lgan.

— Men shunchaki terim holatini yaxshilashni xohlagandim, ammo oxir-oqibat stress va shikastlangan yuz oldim, — deb aytib berdi Xura Mars o‘z obunachilariga. Uning so‘zlariga ko‘ra, klinika natija uchun javobgarlikni tan olmadi va hech qanday kompensatsiya taklif qilmadi.

Blogerning posti ijtimoiy tarmoqlarda faol muhokamalarga sabab bo‘ldi. Ko‘plab foydalanuvchilar o‘xshash holatlari bilan bo‘lishdi, ayrimlari esa mutaxassislarni diqqat bilan tanlash va doimo shifokorning malakasini tasdiqlovchi hujjatlarni talab qilishga chaqirdi.