Ahror Burxonov Vashington shtatidagi O‘zbekistonning birinchi bosh konsuli etib tayinlandi

O‘zbekiston Tashqi ishlar vazirligining sobiq matbuot kotibi Ahror Burxonov AQShning Vashington shtatidagi O‘zbekistonning birinchi bosh konsuli etib tayinlandi.

Diplomat bu haqda X ijtimoiy tarmog‘idagi sahifasida ma’lum qildi. Uning ta’kidlashicha, so‘nggi uch yil davomida TIV matbuot kotibi lavozimida faoliyat yuritgan va bu davrda qo‘llab-quvvatlagan hamkasblari, ustozlari hamda hamkorlariga minnatdorlik bildirgan.

Burxonovning so‘zlariga ko‘ra, ushbu davr uning professional faoliyatida muhim bosqich bo‘lib, diplomatiya va xalqaro kommunikatsiyalar sohasida qimmatli tajriba berdi. U jamoaning asosiy maqsadi mamlakat manfaatlariga xizmat qilish bo‘lganini ta’kidladi.

Yangi lavozimda diplomat AQShning shimoli-g‘arbiy qismida O‘zbekistonning konsullik ishtirokini rivojlantirish, shuningdek, vatandoshlar va xalqaro hamkorlar bilan aloqalarni mustahkamlash bilan shug‘ullanadi.

Avvalroq O‘zbekiston AQShda diplomatik vakolatxonalar tarmog‘ini kengaytirishni rejalayotgani, xususan, Chikago, San-Fransisko va Vashington shtatida yangi konsulliklar ochilishi kutilayotgani xabar qilingandi.