Oltin narxi birinchi marta unsiya uchun 5000 dollarni oshirdi

Oltin yangi tarixiy rekord o‘rnatdi — unsiya uchun 5 ming dollar muhim psixologik chegarasini oshdi. Rekord Nyu-Yorkdagi COMEX birjasidagi savdolar davomida qayd etildi.

TASSning savdo maydonchasi ma’lumotlariga tayanib xabar berishicha, 2026-yil fevral yetkazib berish muddati bilan oltin fyuchersi Toshkent vaqti bilan 04:03 holatiga unsiya uchun 5007,5 dollarga yetgan. Narx o‘sishi shu bilan to‘xtamadi: 07:15 ga kelib qiymat yana 1,85% ga oshib, 5075,5 dollarga yetdi.

Tahlilchilar oltinning rekord narxi global iqtisodiy va geosiyosiy noaniqliklar, bir qator mamlakatlarda pul-kredit siyosatini yumshatish kutishlari hamda markaziy banklar tomonidan talabning oshishi bilan bog‘liqligini ta’kidlashmoqda.

Avvalroq xabar berilganidek, 2025-yil noyabrida O‘zbekiston dunyoda oltinning eng yirik xaridorlari qatoriga kirgan. O‘zbekiston Markaziy banki oy davomida 10 tonna qimmatbaho metal sotib olib, mamlakatning xalqaro zaxiralarini mustahkamladi.