O‘zbekistonda tayyor taom yetkazib berish narxi 6,4% ga oshdi

O‘zbekistonda 2025 yil noyabr oyida tayyor taom yetkazib berish xizmatlari narxi o‘tgan yilning mos davri bilan solishtirganda 6,4% ga oshdi. Bu haqda Davlat statistika qo‘mitasi xabar berdi.

Agentlik ma’lumotlariga ko‘ra, bir oy ichida yetkazib berish narxi 0,5% ga ko‘tarilgan. Narxlar oshishi umumiy ovqatlanish sohasidagi yetkazib berish xizmatlarining barcha segmentida qayd etilgan.

Shu bilan birga, mamlakatda transport xizmatlari ham qimmatlashishda davom etmoqda. Statistikaga ko‘ra, 2025 yil noyabr oyida taksi tariflari oktabr oyiga nisbatan o‘rtacha 0,5% ga oshgan.

Yil boshidan buyon sayohat xarajatlari 7% ga, yillik ifodada esa 2024 yilning mos davri bilan solishtirganda 12,2% ga ko‘tarilgan.