O‘zbekistonda ID-kartalar elektron raqamli imzo bilan berila boshlaydi

1 fevraldan boshlab O‘zbekistonda ID-karta birinchi marta rasmiylashtirilganda uning elektron chipiga bepul tarzda elektron raqamli imzo (ЭЦП) sertifikati o‘rnatiladi. Bu haqda Prezident Shavkat Mirziyoyevning qarorida ma’lum qilindi.

ID-karta olinishi bilan fuqarolar avtomatik va bepul tarzda “Elektron hukumat” tizimi foydalanuvchilarining Yagona identifikatsiya axborot tizimida ro‘yxatdan o‘tadi. Bu esa davlatning raqamli xizmatlaridan qo‘shimcha ro‘yxatdan o‘tmasdan foydalanish imkonini beradi.

Mazkur takliflar O‘zbekiston Ichki ishlar vazirligi, O‘zbekiston Raqamli texnologiyalar vazirligi, Soliq qo‘mitasi hamda Bandlik va kambag‘allikni qisqartirish vazirligi tomonidan ishlab chiqilib, 19 yanvar kuni davlat rahbari tomonidan tasdiqlangan.

Qabul qilingan qaror migratsiya va shaxsiylashtirish jarayonlarini raqamlashtirish hamda aholiga davlat xizmatlarini olish qulayligini oshirishga qaratilgan.