O‘zbekiston aholisi 38 million kishidan oshdi

28-avgust kuni ertalab O‘zbekiston doimiy aholisi soni 38 million kishiga yetdi, deya xabar berdi Milliy statistika qo‘mitasi.

Rasmiy ma’lumotlarga ko‘ra:

• erkaklar soni — 19 136 800 kishi,

• ayollar soni — 18 863 200 kishi, bu 273,6 ming nafarga kam.

2025-yil 1-yanvar holatiga ko‘ra, O‘zbekistonda 37,5 milliondan ortiq aholi yashardi. 2024-yilda doimiy aholi soni 2% ga oshgan. Shu bilan birga, 2017-yildan buyon ilk bor tug‘ilish darajasida pasayish kuzatilib, 3,7% ga kamaydi. Bundan tashqari, nikohlar soni so‘nggi 10 yildagi eng past ko‘rsatkichni qayd etdi.

Eslatib o‘tamiz, mamlakat aholisi 37 millionlik ko‘rsatkichni ilk bor 2024-yil 22-aprelda yengib o‘tgan edi.

Doimiy aholi tarkibiga mamlakat hududida ro‘yxatda turgan barcha fuqarolar kiradi, shu jumladan vaqtincha yashash joyida bo‘lmaganlar ham hisobga olinadi.