Yangi yil dasturxoni uchun ortiqcha to‘lov yo‘q: chakana savdo do‘konlariga narxlarni asossiz oshirish taqiqlandi

Yangi yil arafasida, iste’mol talabining an’anaviy oshishi fonida, O‘zbekiston Raqobatni rivojlantirish va iste’molchilar huquqlarini himoya qilish qo‘mitasi ijtimoiy ahamiyatga ega oziq-ovqat mahsulotlari narxlariga nazoratni kuchaytirdi.

Idora mamlakatning yirik savdo tarmoqlariga rasmiy ogohlantirishlar yuborib, narxlarni shakllantirishni qat’iy nazorat qilish va ularni asossiz oshirishga yo‘l qo‘ymaslikni talab qildi. Chakana savdo do‘konlariga yetkazib beruvchilarning mahsulot narxini qayta ko‘rib chiqish bo‘yicha har qanday tashabbuslari hamda logistika yoki boshqa xarajatlarning oshishi, yakuniy narxga ta’sir qilishi mumkin bo‘lgan holatlar haqida tezkor xabar berish topshirildi.

E’tibor ayniqsa profilaktik choralariga qaratildi. Savdo tarmoqlariga bayram davrida birlamchi zaruriy tovarlarning spekulyativ narx oshishining oldini olish bo‘yicha hamkorlariga oldindan ogohlantirish berish tavsiya etildi.

Qo‘mita ta’kidlaganidek, qabul qilingan chora-tadbirlar mahsulotlar narxining asossiz oshishining oldini olish, iste’mol bozorida shaffoflikni ta’minlash va yuqori talab davrida aholining manfaatlarini himoya qilishga qaratilgan.