Toshkentning yangi aeroporti uchun 1300 gektardan ortiq yer ajratiladi

Toshkentda yangi xalqaro aeroport qurilishi uchun 1309 gektar yer maydoni ajratiladi. Bu hudud Urta-Chirchiq va Quyi-Chirchiq tumanlarida joylashgan bo‘lib, uning katta qismi sug‘oriladigan yer hisoblanadi. Bu haqda Toshkent viloyati Kadastr agentligi boshqarmasi matbuot xizmati xabar berdi.

Ajratilgan yerlarning tarkibi quyidagicha:

• 1075,45 gektar — sug‘oriladigan yerlar,

• 112,69 gektar — bog‘lar,

• 0,65 gektar — yaylov va pichanzorlar,

• 120,97 gektar — boshqa toifadagi yerlar.

Eslatib o‘tamiz, yangi aeroport amaldagi aeroportdan 17 km janubda barpo etiladi. U yiliga 20 million yo‘lovchiga xizmat ko‘rshatish, bir vaqtning o‘zida 169 ta samolyotni joylashtirish va soatiga 40 dan ortiq reysni amalga oshirish imkoniyatiga ega bo‘ladi.