O‘zbekistonda Ramazon hayiti va Navro‘zda nechta dam olish kuni bo‘ladi

O‘zbekistonda Ramazon hayiti va Navro‘z bayramlari munosabati bilan qo‘shimcha dam olish kunlari belgilandi. Bu haqda O‘zbekiston Adliya vazirligi ma’lum qildi.

Vazirlik izohiga ko‘ra, bayram kunlari quyidagicha taqsimlanadi:

— 20-mart (juma) — Ramazon hayiti munosabati bilan dam olish kuni;
— 21-mart (shanba) — Navro‘z bayrami munosabati bilan dam olish kuni;
— 22-mart (yakshanba) — kalendar dam olish kuni;
— 23-mart (dushanba) — besh kunlik ish haftasida ishlovchilar uchun qo‘shimcha dam olish kuni.

Shu tariqa, besh kunlik ish haftasida ishlovchilar ketma-ket to‘rt kun — 20–23-mart kunlari dam oladi.

Olti kunlik ish haftasida ishlovchilar uchun esa 23-mart ish kuni bo‘lib qoladi va ular 20–22-mart kunlari uch kun dam oladi.

An’anaga ko‘ra, Ramazon hayitining aniq sanasi O‘zbekiston musulmonlari idorasi tomonidan belgilanadi va shundan so‘ng dam olish kunlari bo‘yicha tegishli qaror qabul qilinadi.