O‘zbekiston Eronga gumanitar yordam yubordi.

O‘zbekiston Eronga gumanitar yordam ko‘rsatdi, Darregaz shahriga oziq-ovqat va dori-darmonlar yetkazildi. Ushbu tashabbus ikki mamlakat o‘rtasidagi do‘stona aloqalar va o‘zaro qo‘llab-quvvatlashning mustahkamligini tasdiqlaydi.

Gumanitar yuk tarkibiga eng zarur mahsulotlar — un, guruch, shakar, makaron, kungaboqar yog‘i va konservalar kiritildi. Shuningdek, Eronga dori-darmonlar va tibbiy buyumlar ham yuborildi.

Yukni topshirish marosimida mahalliy hokimiyat va diplomatik korpus vakillari, jumladan Darregaz hokimi Mujtobo Bazmaru, Eron TIV maslahatchisi Ali Masumifar va Turkmanistondagi Eron elchisi Ali Mujtobu Ruzbehan ishtirok etdi.

Eron tomoni O‘zbekiston rahbariyatiga ko‘rsatgan yordami uchun minnatdorlik bildirgan va bu qadam ikki davlat o‘rtasidagi hamkorlik va o‘zaro ishonch darajasini aks ettirganini ta’kidlagan.