Chirchiqda nogironligi bo‘lgan bolarga nisbatan shafqatsiz munosabat uchun tarbiyachilar ishdan bo‘shatildi

Chirchiq, Toshkent viloyatida nogironligi bo‘lgan bolarga nisbatan shafqatsiz munosabat ko‘rsatgan 30-son ixtisoslashtirilgan bog‘cha tarbiyachilari ishdan bo‘shatildi. Bu haqda viloyatdagi Milliy ijtimoiy himoya agentligi xabar berdi.

Tekshiruvga sabab bo‘lgan ijtimoiy tarmoqlarda tarqalgan video bo‘ldi. Unda tarbiyachilar bolalarga nisbatan jismoniy kuch ishlatayotgani — ularni itarishi, ip, daftar va tarqatma materiallar bilan urayotgani ko‘rinadi.

Vaziyat yuzasidan ishchi guruh tuzildi. Toshkent viloyati bolalar ombudsmanining mintaqaviy vakili Muhriddin Xamzaevning aytishicha, tekshiruv davomida bolalar huquqlari buzilgani tasdiqlandi.

Hodimlarga nisbatan xizmat tekshiruvi o‘tkazildi. Tekshiruv natijasida tarbiyachilar bilan mehnat shartnomalari bekor qilindi.

Hozirda Chirchiq shahar ichki ishlar bo‘limi prokuratura organlari bilan birga tekshiruv va tergov harakatlarini davom ettirmoqda.