Toshkentda 240 mln so‘mlik sifatsiz dori vositalarining savdosi to‘xtatildi

Operativ tadbir davomida 1976 yilda tug‘ilgan erkak qo‘lga olindi. U 72 ming dona tibbiy buyumni 111 mln so‘mga sotmoqchi bo‘lgan, hatto oldindan 30 mln so‘m avans ham olgan.

Uning uyidan va avtomobilidan quyidagilar olib qo‘yildi:

• 72 389 dona tibbiy buyum;

• umumiy qiymati 240 mln so‘m bo‘lgan 867 qadoq dori vositalari — Magnikum, Relok, Dizenteron va boshqalar.

Tekshiruv natijasiga ko‘ra, dorilar sifatsiz ekani aniqlandi: ular sanitariya qoidalariga zid sharoitda saqlangan va realizatsiya qilish, tashish hamda tibbiy qo‘llash uchun taqiqlangan.

Hozirda tergov ishlari davom etmoqda.