UzAuto Motors foydasi 2025 yilning birinchi yarmida 27,5% ga kamaydi

O‘zbekistonning yirik avtomobil ishlab chiqaruvchisi UzAuto Motors 2025 yilning birinchi yarmida 1,38 trln so‘m sof foyda oldi. Bu o‘tgan yilgi 1,91 trln so‘mga nisbatan 27,5% kamdir. Bu haqda kompaniyaning moliyaviy hisobotida ma’lum qilindi.

📉 Daromad va rentabellik
Umumiy daromad 9,5% ga qisqarib, 23,4 trlndan 21,2 trln so‘mga tushdi. Mahsulot tannarxi 6,4% ga kamayib, 17,8 trln so‘mni tashkil etdi. Biroq savdo rentabelligi 8,2% dan 6,5% gacha pasaydi.

📈 Ijobiy o‘zgarishlar ikkinchi chorakda
Yanvar–mart oylarida foyda deyarli ikki baravar kamayib, 1,3 trlndan 637 mlrd so‘mga tushgan bo‘lsa, aprel–iyunda aksincha, 619 mlrd so‘mdan 759 mlrd so‘mga oshdi. Mutaxassislar buni 1-maydan boshlab import elektromobillariga utilizatsiya yig‘imi oshirilgani bilan izohlamoqda, bu esa mahalliy avtomobillarga talabni kuchaytirdi.

🚗 Ichki bozor ulushi kamayishi
2025 yilning yanvar–may oylarida O‘zbekiston avtomobil ishlab chiqaruvchilari 135 922 dona avtomobil sotdi — bu o‘tgan yilga nisbatan 22,5 ming donaga kam. Chevrolet savdosi 142 891 donadan 111 830 donaga tushdi.

UzAuto Motorsning bozor ulushi 90,2% dan 82,2% gacha qisqardi. Ekspertlar bunga bir nechta sabablarni ko‘rsatmoqda:

• Raqobatning kuchayishi: Kia savdosi 56% ga, BYD — 39% ga, Chery — 14% ga oshgan, Haval esa qariyb 4 baravar ko‘paygan.

• Yo‘qilg‘i bozoridagi o‘zgarishlar: benzinning qimmatlashishi, metan narxining ko‘tarilishi va yonilg‘i quyish shoxobchalaridagi uzilishlar xaridorlarni elektromobil va gibridlarga o‘tishga undadi.

• Bozorning to‘yinganligi: ikkilamchi bozorda avtomobillar arzonlashdi va endi investitsion aktiv sifatida qabul qilinmayapti.