2025 yilda O‘zbekistonning YaIMi ilk bor 145 milliard dollardan oshdi

2025 yilda O‘zbekistonning yalpi ichki mahsuloti (YaIM) ilk bor 145 milliard dollardan oshdi. Bu haqida prezident Shavkat Mirziyoyev Oliy Majlis va xalqga murojaatida ma’lum qildi.

Davlat rahbari ta’kidlaganidek, erishilgan natija xalq va davlatning yuqori salohiyatidan dalolat beradi. Uning so‘zlariga ko‘ra, ishlab chiqarish va transport-logistika zanjirlaridagi global uzilishlar, xomashyo va moliyaviy resurslar narxining keskin o‘sishiga qaramay, mamlakat iqtisodiyoti barqaror va ishonchli o‘sishni ko‘rsatmoqda.

Prezident O‘zbekistonning iqtisodiy dinamikasi jahon hamjamiyati va nufuzli xalqaro tashkilotlar tomonidan yuqori baholanganini ta’kidladi. 2025 yilda eksport hajmi 23% ga oshib, 33,4 milliard dollarga yetdi. Oltinsiz hisoblaganda eksport 23,5 milliard dollarni tashkil etdi.

Mamlakatning oltin-valyuta zaxiralari ham sezilarli darajada mustahkamlandi — ular ilk bor 60 milliard dollardan oshdi, yil boshida esa 40,5 milliardni tashkil etgan edi. Prezidentning so‘zlariga ko‘ra, bu keyingi iqtisodiy islohotlarni amalga oshirish uchun mustahkam moliyaviy poydevor yaratdi.

Shavkat Mirziyoyev shuningdek, to‘qqiz yil avval 100 milliard dollarlik YaIM darajasiga erishish ambitsiyali maqsad sifatida ko‘rilganini eslatdi. Bugungi ko‘rsatkichlar esa O‘zbekistonning barcha muhim rivojlanish sohalaridagi keng qamrovli o‘zgarishlari va yutuqlarini yaqqol aks ettiradi.